श्री गगनगिरी महाराज आश्रम, खोपोली
श्री गगनगिरी महाराज हे एक सिद्ध पुरुष आहेत. त्यांनी खोपोली येथील पातळगंगा नदी मध्ये तपश्चर्या केली आहे. या तपश्चर्ये मध्ये त्यांना त्याचा पाय गमवावा लागला होता.
खोपोली हे रायगड जिल्हातील पुण्याच्या दिशेचे शेवटचे शहर. भौगोलिक दृष्ट्या खूपच छान, नयनरम्य, निसर्गरम्य, अप्रतिम असे ठिकाण. जसे खोपोली श्री गगनगिरी महाराज आश्रमासाठी प्रसिद्ध आहे, तसेच ते त्याला निसर्गाने दिलेल्या अनमोल खाजीण्यामुळे देखील तेवेढेच प्रसिद्ध आहे. हा खजिना म्हणजे, येथील पावसामधले पाण्याचे धबधबे. मुंबई पुणे जुन्या रस्त्या वरून पुण्याच्या दिशेने जाताने खूपच मनमोहक असे दृश्य ह्या धबधब्यांचे दिसते. असो कधी येथे आलात तर पावसाळी सहल जरूर करा.
खोपली हे मुंबई लोकल ट्रेन च्या मध्य किंव्हा मेन लाईन वरचे शेवटचे स्टेशन आहे. कल्याण रेल्वे स्टेशनहून मध्य रेल्वेचे दोन फाटे फुटतात एक कसाऱ्याकडे जातो तर दुसरा कर्जत-खोपोली कडे जातो. तर कर्जत-खोपोली लाईन वरील खोपोली हे अगदी शेवटचे स्थानक होय.
खोपोली रेल्वे स्थानकाहून श्री गगनगिरी महाराजांचा आश्रम एक कि.मी. लांब असावा. तर तुम्ही चालत हि अगदी सहजपणे जाऊ शकता. किंव्हा स्थानका बाहेरून आश्रामापार्येंत जाण्यासाठी रिक्षा हि भेटते.
मंदिराचे भव्य प्रवेशद्वार पाहूनच मन अगदी प्रसन्न होऊन जाते. मंदिरात आतमध्ये गेल्यावर प्रथम आपणास आपले नाव, गाव याचा तपशील प्रवेशद्वाराजवळ द्यावा लागतो. नंतर आतमध्ये पादुका/जोडे (चप्पल किंव्हा शूज) काढण्याची सोय आहे. लगेच थोडे बाजूस पाय धुण्याची सोय आहे, तर हात-पाय धुवूनच आतमध्ये जावे. आतमध्ये गेल्यावर भव्य असा सभा मंडप आहे. तेथे गगनगिरी महाराजांची प्रतिमा आहे. व डाव्या बाजूस मंदिराच्या परिसरातच पाताळगंगा नदी आहे. नदी काठी बसायला घाट बनवला आहे. ते दृश्य बघून, त्या घाटावर बसून पाण्यात पाय सोडून बसण्याचा मोह आपण आवरू शकत नाही. थोडा वेळ येथे घालवल्यावर, येथून आतमध्ये छान से गगनगिरी महाराजांचे अजून एक मंदिर आहे. तेथून बाहेर उजव्या बाजूस आणखी एक मंदिर आहे तेथे सर्व संतांच्या मूर्ती आहेत. ह्या मंदिराच्या बाजूस मनमोहक अशी दाट फळबाग आहे, त्यामुळे येथे खूप थंड, शांत असे वातावरण आहे. आपण ह्या संत मंदिरात गेल्यास येथून बेर येवू नये असे वाटते. थोडा वेळे येथे घालवल्यावर येथून बाहेर जाण्यास एक वाट आहे. वाटेत नदीहून जाण्यासाठी एक छोटासा पूल (ब्रिज) बदला आहे. हे आणखी एक येथील आकर्षण आहे. पुलाच्या पलीकडे खूपच मोठा एक बगीचा आहे. हा बगीचा हि इतका नयनरम्य आहे कि येथून प्पुथे जाण्याची तुमची इच्छाच होणार नाही. तर येथे हि थोडा वेळ घालवून पुढे जावे. पुढे समोरच एक मोठा डोंगर दिसतो. थोडे बराकाईने पहिले तर थोड्या वर अंतरावर एक भगव्या रंगाचे निशाण (झेंडा) दिसतो. तिथे गगनगिरी महाराजांची गुहा आहे. महाराज येथे जात असत. ह्या बगिच्या मधून येथे जाण्यास एक पक्का रस्ता (डांबरी) आहे. तर वेळ मिळाल्यास येथे जरूर जावे. शक्यतो सकाळी लवकर पोहोचण्याचा प्रयत्न करावा, जेणे करून मठातील सर्व स्थळे बघावयास मिळतील.
बगिच्या मधून वर डांबरी रस्त्याने गेल्यावर २० मिनिटात गुहा येईल. गुहेत हि खूप आल्हाददायक, प्रसन्न वातावरण आहे. गुहेत जातेक्षणी वर चढून यायला जो थकवा आला असेल, तो थकवा तेथील प्रसन्न वातावरण बघून क्षणार्धात निघून जाईल. गुहेच्या द्वारातून बाहेर बघितल्यास छानसे खोपोली शहर दिसेल. आपल्या सवडीनुसार थोडा वेळ येथे घालवल्यावर, पुन्हा खाली मठाच्या आवारात यावे. इच्छा असल्यास आणखी थोडा वेळ येथे व्यतीत करू शकता. व खूपच प्रसन्न मनाने घरी जावू शकता.
जर आपण हि असा अनुभव गगनगिरी महाराजांच्या आश्रमात घेतला असेल तर खाली कॉमेंट (comment) करून आवश्य कालवा.
किंव्हा काही सांगावयास विसरलो असेन तर जरूर कळवा.
