||श्रीगणेशाची आरती ||
सुखकर्ता दुःखहर्ता वार्ता विघ्नाची | नुरवी पूर्वी प्रेम कृपा जयाची |
सर्वांगी सुंदर उटी शेंदुराची | कंठी झळके माळ मुक्ताफळांची ||१||
जय देव जय देव जय मंगलमूर्ती | दर्शनमात्रे मन कामना पुरती || जय देव जय देव ||ध्रु||
रत्नखाचीत फरा तुझ गौरीकुमरा | चंदनाची उटी कुंकुमकेशरा |
हिरेजडीत मुगुट शोभतो बरा | रुणझुणती नूपुरे चरणी घागरिया ||२||
जय देव जय देव जय मंगलमूर्ती | दर्शनमात्रे मन कामना पुरती || जय देव जय देव ||
लंबोदर पीतांबर फणिवरबंधना | सरळ सोंड वक्रतुंड त्रिनयना |
दास रामाचा वाट पाहे सदना | संकटी पावावे निर्वाणी रक्षावे सुरवर वंदना ||३||
जय देव जय देव जय मंगलमूर्ती | दर्शनमात्रे मन कामना पुरती || जय देव जय देव ||
🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏
कोणत्याही टिप्पण्या नाहीत:
टिप्पणी पोस्ट करा