।। श्री ।।
।। श्री राम समर्थ ।।
।। जय जय रघुवीर समर्थ ।।
भजाया जनीं पाहता राम ऐकू ।
करी बाण एकू मुखी शब्द एकू ।।
क्रिया पाहता उद्धरे सर्व लोकू ।
धरा जानकीनायकाचा विवेकु ।।१३१।।
विचारूनि बोले विवंनचुनी चाले ।
तयाचेनि संतप्त तेही निवाले ।।
बरें शोधल्याविण बोलो नको हो ।
जणी चालणे शुद्ध नेमस्त राहो ।।१३२।।
हरीभक्त विरक्त विज्ञानराशी ।
जेणें मानसी स्थापिले निश्चयासी ।।
तया दर्शने स्पर्शने पुण्य जोडे ।
तया भाषणे नष्ट संदेह मोडे ।।१३३।।
नसे गर्व अंगी सदा वितरागी ।
क्षमा शांती भोगी दयादक्ष योगी ।।
नसे लोभ ना क्षोभ ना दैन्यवाणा ।
इही लाक्षणी जाणिजे योगिराणा ।।१३४।।
धरी रे मना संगती सज्जनाची ।
जेणें वृत्ती पालटे दुर्जनाची ।।
बळे भाव सद्बुद्धी सन्मार्ग लागे ।
महाक्रूर तो काळ विक्राळ भंगे ।।१३५।।
भये व्यापिले सर्व ब्रह्मांड आहे ।
भयातीत तें संत आनंत पाहे ।।
जया पाहता द्वैत काहीं दिसेना ।
भयो मानसीं सर्वथाही असेना ।।१३६।।
जिवां श्रेष्ठ ते स्पष्ट सांगोनि गेले ।
परी जिव अज्ञान तैसेचि ठेले ।।
देहेबुद्धिचें कर्म खोंटें टळेना ।
जुने ठेवणे मी पणे आकळेना ।।१३७।।
भ्रमे नाढळे वित्त तें गुप्त जाले ।
जीव जन्म दारिद्र ठाकूनि आले ।।
देहेबुद्धीचा निश्चयो ज्या ठाळेना ।
जुने ठेवणे मी पणे आकळेना ।।१३८।।
पुढे पाहता सर्व हि कोंदलेसे ।
अभाग्यासी हे दृश्यं पाषाण भासे ।।
अभावे कदा पुण्य गांठी पडेना ।
जुने ठेवणे मी पणे आकळेना ।।१३९।।
जायचे तया चुकले प्राप्त नाहीं ।
गुणें गोविले जाहले दुःख देहीं ।।
गुणावेगळी वृत्ती तेही वळेना ।
जुने ठेवणे मी पणे आकळेना ।।१४०।।
।। जय जय रघुवीर समर्थ ।।
🙏🙏🙏🙏🙏🙏🙏
कोणत्याही टिप्पण्या नाहीत:
टिप्पणी पोस्ट करा